ఉన్నతి

ఉన్నతి-అభ్యున్నతి

🌼🌼🌼🌸🌸🌸

 సాధించిన స్వాతంత్రం వయస్సు ఎన్నో దశాబ్దాలు  ,

రాజ్యాంగం రూపకల్పన జరిగి మరెన్నో వసంతాలు,

అయితేనేం!          ఇంకా అక్షరాజ్ఞానం అందని అభాగ్యులెందరో  !

కనీస సామర్థ్యాలు రాని చిన్నారులు 

మరెoదరో!!

కాలం గడిచింది

గమ్యం మిగిలింది  కారణాలన్వేషణలో

కనిపించె ఎండమావులెన్నో!

మనసును కదిలించే

మౌనరాగలు మరెన్నో!!

అంతర్ మథనంలో 

ఆత్మ శోధనలో గుండె తరుక్కుపోయే కన్నీటి గాధలెన్నో!

కాలచక్రంలో నలిగిపోయిన కాగితాల కథనాలు ఎన్నో  మరెన్నో!!

గమ్యం కోసం..

గురువు గా,

 జ్ఞాన దాతగా 

విద్యా కుసుమాలను వికసింపజేసి 

భావి పౌరులుగా తీర్చి దిద్దాల్సిన  బాధ్యత మనదే,

 బంగారు బాట వేయాల్సిన  భూలోక దైవం మనమే.

ఉన్నత లక్ష్యం     

మహోన్నత ఆశయం

మదినిండా నింపుకొని కళ్ళముందే ఫలితం కనపడేలా

కంకణ బద్ధులమై కళామతల్లి బిడ్డలమై 

అడుగు అడుగు ముందుకు వేస్తూ 

అక్షర ఉద్యమాన్ని ఆరంభిద్దాం!

కనీస సామర్థ్యల సేద్యం ప్రారంభిద్దాం..!

చదవడం ఒక సుప్రభాతం లా,

రాయడం ఒక భాగవతంలా,

 తరగతి సామర్థ్యాలు ఒక గీతోపదేశంలా,

 వచ్చు వరకు

 సమాజం మెచ్చువరకు

పట్టువదలని విక్రమార్కుల్లా ప్రయత్నిద్దాం! పునరంకితం తో 

అనుకున్నది సాధిద్దాం!

-T. భాస్కర్

GHm. ZPHS YEDDUMAILARAM

M:Kandi 

🌻🌻🌻🌹🌹🌹

శ్రద్ధాంజలి

శ్రద్ధాంజలి

💐💐💐💐

😞😞😞😞

ఆకస్మాత్తుగా జరిగిన రోడ్డు ప్రమాదం..  

 అనుబంధాల ఆలయాన్ని

భూకంప శిథిలాలుగా మార్చేసి,

పచ్చగా విరబూసిన చెట్టు

విధి విష వలయం లో

మొడుబారిన మొదుగై,

అల్లుకున్న ఆశల పందిరి చెదిరిపోయి..!

జ్ఞాపకాల చిత్రం లో చేరిపోయి..!!

ఆవిరైన యువ ఉజ్వల భవిష్యత్తు..!

మనసు పై మానని గాయాన్ని వదిలేసి..!!

ఎదలో చితి మంటను రాజేసి,

ఎదలోతుల్లో 

ఎగిసిపడే ఉద్వేగం,

ఎగదన్నుకు వస్తున్న

విధి పై విద్వేషం.. 

కరిగిన కలను 

కనుమరుగైన

యువ ను

కారుతున్న కన్నీటి ధారను

నియంత్రించలేక

నిరోధించలేక

కన్నా రూపం 

కళ్ల ముందే

కదలాడుతుంటే, గుండెలవిసేలా మాతృమూర్తి మనసురోధన,

దిక్కులు పిక్కటిల్లెలా

అమ్మ ఆక్రందన...,

కనికరం లేని విధి

కర్కషంగా కన్నీటి

గాథ నే రచిస్తే..!

కాలం కలిసి రాకున్నా

చలించకుండా నిలబడే ధైర్యం లేకున్నా..,

రేపటి ఆశతో

రోహిత్ ఆశయం  తో..

నడవాలి ముందుకు...!

సాగాలి సేవకు..!!.

🙏🙏🙏🙏