అందమైన రూపమా
అవనికే అందమా
ఆత్మీయతతో అల్లుకున్న బంధమా!
"మధు"వై పరిమళించిన
పుష్పమా!!
కరిగిపోయే కలల నుండి
కనులు తెరిచి,
తెలవారే తూరుపు
తొలి పొద్దు రాగం లో
నా మనసున ఉదయించే
ప్రియ రాగమై,
హృదయంతరాలను స్పృశిస్తూ,
"మధు"రిమలు పలికే
సుప్రభాతమై,
తన్మయ్యత్వంతో తనువు తొణికిసలాడుతూ,
నవరసాలను నాలో పలికించగా,
తియ్యని బాధను అనుభవించే తీపి గుండెకు తెలుసు
అనుభవించే అనుభూతులెన్నో
నిదుర లేని గడిపిన రాత్రులెన్నో,
నిరాశతో నింగి కేసి చూసిన చూపులెన్నో!
