ఆశ 💐💐

ఆశతో ఆనందం

నిరాశతో నిరుత్సాహం

అవగింజంత అభిమానం

ఆకాశమంత ఎత్తు ఎదిగి

హరివిల్లు లా రంగుల మయమై

రేపటి రోజును పూలవాన లా ఊహించుకొని మగత నిద్రలో నిద్రిస్తూ...

కురుస్తున్న రాళ్ళ వర్షం ను 

కరిగిపోయిన కలను

 చెదిరిపోయిన సప్త వర్ణాల చిత్రాన్ని

అవలోకిస్తూ.. ఆవేదన..

చెందుతూ

ఆమె

కరీంనగర్ పిల్లా

కాళేశ్వరం జిల్లా

 దాగుడుమూతల బిల్లా 

నిన్ను చూడకుంటే ఎల్లా

మనసు నీమిదే ఉంది మల్లా 

నువ్వు చీర కట్టుకుంటే

నీ వయ్యారమంతా ఒలికి పోతదంటా,

నీ కురులు ఎగురుతుంటే

అందానికి రెక్కలోత్సయంటా,

మనువాడకున్నా

నీ మనసు నాదే నంటా,

ముద్దు ముచ్చట లేకున్నా

మురిపమే నీతో నంటా!

ఊపిరుండె వరకు

నీ జంట నేనే నంటా!!

బంధం

అందమైన రూపమా

అవనికే అందమా

ఆత్మీయతతో అల్లుకున్న బంధమా!

"మధు"వై పరిమళించిన

పుష్పమా!!

కరిగిపోయే కలల నుండి

కనులు తెరిచి,

తెలవారే తూరుపు

తొలి పొద్దు రాగం లో

నా మనసున ఉదయించే

 ప్రియ రాగమై,

హృదయంతరాలను స్పృశిస్తూ,

"మధు"రిమలు పలికే

సుప్రభాతమై,

తన్మయ్యత్వంతో తనువు  తొణికిసలాడుతూ,

నవరసాలను నాలో పలికించగా,

తియ్యని  బాధను అనుభవించే తీపి గుండెకు తెలుసు

అనుభవించే అనుభూతులెన్నో

నిదుర లేని గడిపిన రాత్రులెన్నో,

నిరాశతో నింగి కేసి చూసిన చూపులెన్నో!

ఉగాది 💐💐

🥭🥭🥭🥭

ఉగాది ఉషోదయం వసంతాన్ని వాకిట పరిచి

పండగ షడ్రుచులు

జీవన బాష్యాన్ని

మిళితం చేసి

మోడుబారిన వృక్షాలు

కొత్త అందాన్ని సంతరించికొని

చివురించిన లేత ఆకులు

మయూరంలా నర్తిస్తూ 

అవని అందాలను ఆస్వాదిస్తూ

తన్మయత్వంతో కోయిల గానం చేస్తూ,

చెట్ల పూతలు

కొమ్మాల కాతలు

కమ్మని వాసన విరజిల్లుతు

ప్రకృతి రమణీయత పరిడవిల్లి

సాహిత్య పీపాసకుల

మదిలో జాలువరే ఆలోచలు

కవితల ప్రవాహాన్ని సృష్టిస్తూ

కన్నుల కింపైన కిన్నారసాని వోలె

తెలుగు నూతన సంవత్సరం

నవ వధువు శోభను సంతరించుకొని

తెలుగు వారి ఇంటింటా

ఆనందపురం హరివిల్లును అందిస్తూ

చేదును అధరాలతో అధిమి

తియ్యధానాన్ని నోటినిండా పంచాలని

శార్వాణి లా కరోనా మయం కాకుండా

ప్లవనం సగటు జీవిని సంతృప్తం చేయాలనీ

సర్వేజనా సుఖినోభవంతు కావాలని

ఆశిద్దాం, ఆశీర్వచనం కావాలని ప్రార్థిద్దాం..!

-T . భాస్కర్

ప్రధానోపాధ్యాయులు

Zphs ఎద్దుమైలారం

M:కంది

సంగారెడ్డి జిల్లా

మహమ్మారి 🙄😞

కరోనా మేఘాలు కమ్ముకున్నాయి

కన్నీటి గాథల్ని

వెల్లువలా పారిస్తున్నాయ్ 

ఆసుపత్రులు అంబులెన్సు సైరన్

తో మ్రోగుతూన్నాయి

ఆక్సిమీటర్లు

అలసి పోయి నిస్సత్తు వతో నేలవాలుతు న్నాయి 

ఊపిరాడక ఎగిసిపడే ఉదరాలు...

ఆగక సాగె మరణాలు..

మనోవేదన కలిగిస్తున్నాయి

ఉత్పరివర్తనం చెంది

ఉన్మాదంతో

 సూక్ష్మ రూపాలు 

నిశీధి నిశ్శబ్దాన్ని జీవితాల్లో సృష్టిస్తున్నాయి

ప్రాణాలతో చెలగాటం వెంటిలేటర్ వెనక సాగె వ్యాపారం

రాబందుల్లా పీక్కుతినే

వికృత  యమ కింకర్లు

పచ్చ నోట్ల పరుగులో 

మానవతను మరిచి చేయూత నివ్వాల్సిన చేతులు

ప్రాణాలు హరించడానికి

యామపాశమై

గొంతు నొక్కడం లో

ఊరితాడుని మరిపిస్తున్నాయి 

ఆరని చితి మంటలు

బాధితుల ఆక్రందనలు

మిన్నంటిన రోదనలు మానవ సంబంధాల్ని మరుగున పరుస్తూ వేదనతో వేగుతున్న

జన చిత్రం

వాస్తవాన్ని అద్దం పడుతున్నాయి

బ్రతుకు భయంతో

రూపురేఖలు మారుతున్నాయి

రాబోయే ఉషోదయం

ప్రపంచాన్ని

నీలి నీడల నుండి విముక్తి చెయాలనీ

కరోనా పోరులో సమాజం 

విజేత గా నిలవాలని..!

ఊపిరి ఆగడం ఇకనైనా శాశ్వతంగా నిలిచిపోవాలని..!!

😥😥😥😥😥😥  

 😔😔😔😔😔😔

🌹🌹మగువ 💐💐

🌻🌹🌺🌼🌷నిర్మలమైన  ఆకాశం లో

చల్లని జాబిళ్ళై

జగతికే వెలుగునిచ్చి

అతివగా ఆవరోధల్ని అధిగమింంచి 

జనని గా అవతారమై

ఓరిమి కి నిజరుపమై 

 కరణా మూర్తిగా...!

 కష్టాల్లో స్ఫూర్తి గా..!!

అవనికె అపురూపమై

మమత కె ప్రతి రూపమై    

  సకల పాత్రల్లో సవినయంగా ఇమిడిపోయే

"మహిళా"ఓ" మణి" గా

మీకు ఇవే నా శతకోటి వందనాలు.

"మహిళా దినోత్సవ శుభాకాంక్షలు "

🙏🙏🙏💐💐💐

మరోఉద్యమం

మరో ఉద్యమం

 వేల సంవత్సరాల ఔనత్యమైన వేద సంస్కృతి,

 పురాణ గాధలతో పునీతమైన భరతభూమి,

 పరదేశీయుల పాలనలో రెక్కలూడిన విహంగమై

  పాశ్చాత్యుల  కబంధహస్తాల్లో  నలిగి

 పిల్లోడు దురాగతానికి ఆవిరైన స్వేచ్ఛ జలపాతం

 దాస్యశృంఖలాల తో  తల్లడిల్లిన భారతీయుల ఆత్మగౌరవం

 ఉవ్వెత్తున ఎగిసిపడి  ఊరూరా వందేమాతర ఉద్యమమై

 ఉరికంబం ఎక్కిన త్యాగధనుల  తల లెన్నో

 ఊపిరి వదిలిన అమరవీరుల బలిదానాలెన్నెన్నో 

 ఆగస్టు 15న అర్ధరాత్రి ఎగిరిన స్వతంత్ర పతాకం

 భావోద్వేగం తో నిండిన భారతీయ జాతీయ భావం 

 మువ్వన్నెల రూపంతో ముచ్చటైన జెండా గా పింగళి చేతిలోని రూపమై

 రాజ్యాంగం పేరిట అంబేద్కర్ ఆలోచన తో అద్భుతమైన ఆకృతై ప్రపంచ దేశం కొనియాడే లా ప్రతి పౌరుడు గర్వపడేలా నీరాజనాలందుకుంటున్న భారత మాతకు జేజేలు భావితరానికి ఆదర్శమైన అమరులకు జోహార్లు

 డెబ్బది ఐదు వసంతాల ప్రజాస్వామ్యంలో అవ లోకానికి అరిష్టాలు అనేకం

 పేదోడి గుండె గాయానికి ఉన్నోడి అధికార దర్పానికి వెలుగులోకి రాని వెతలెన్నో

 వెక్కిరించి అణగారిన వర్గాల బతుకు బాటలో ముళ్ళ పొదలు,

 చేయుతకై చేతులు చాచే నిరాశ్రయుల హాహాకారాలకు

 అంతులేని అనంతమైన విషాదగాథ పుటలు స్వతంత్ర భారతావనిలో కోకొల్లలు

అసమానత చోటు లేకుండా అన్యాయానికి తావివ్వకుండా

 అబలలు అరాచకానికి బలవ్వకుండా

 అక్రమాలకు  అడ్రస్ ఎక్కడ లేకుండా

 భారతావని ముర వాలంటే

 మరో స్వాతంత్ర్య ఉద్యమం రావాలి

 మనమంతా భాగస్వామ్యం కావాలి

T. భాస్కర్

 గెజిటెడ్ ప్రధానోపాధ్యాయులు ZPHS ఎద్దుమైలారం

 కంది మండలం.

9441823803

శుభాకాంక్షలు

💐💐💐💐💐💐విద్యా విధానం లో నవ్యత కు శ్రీకారం చుట్టి,

 వినూత్న ప్రణాళిక కు జిల్లాను వేదికగా మార్చి ,

యంత్రంగాన్ని నిత్యం పరిగెత్తుస్తూ,

నిర్ధిష్ట లక్ష్యాన్ని అలవోకగా అధికమిస్తూ,

విజయాన్ని పేరులో చేర్చుకొని,

మెరుపు వేగాన్ని మరిచేలా

పలు పాఠశాలను పర్యవేక్షిస్తూ, ప్రయోజనకర సూచనలు అందచేస్తూ

పేదోడి మోములో అక్షర ఆనందం చూడాలని,

మట్టిలోని మాణిక్యాలను

విజేతలుగా నిలపాలని,

కార్య దీక్ష కు కంకణబద్దురాలై,

 కణం కణం లో ఉన్నత శిఖరం చేరాలనే కాంక్ష ప్రకంపనాలై 

 విజయం వైపు నడిపిస్తు,

వడి వడిగ తీరం వైపు కదలి వెళ్తూ,

మీ ఖ్యాతి నలుదిశల

విస్తరించాలని

మరెన్నో జన్మదినా లు

మీ ముందట సాగాలని...!

దేవున్ని మనస్ఫూర్తిగా ప్రార్థిస్తూ,

 ఆకాశమంతా ఆర్తితో ఆకాంక్షిస్తూ..!

🙏🙏🙏🙏

సదా మీ అభిమాని..

T. భాస్కర్. Gaz Hm.Zphs ఎద్దుమైలారం

కంది

సంగారెడ్డి

మేడం 💐💐

madam gareke,

14 th January 2020

విధి నిర్వహణ లో అంకితభావం,

కర్తవ్య దీక్ష లో కంకణం,

బాధ్యత తో ఆత్మీయ బంధం,

సుపరి పాలనలో సౌందర్యోపాసనం,

పనినే దైవంగా,

పాలనే ఊపిరిగా,

సేవా తత్పరతే

రక్త ప్రవాహం గా

రాజకీయ నేతలకు

రాజీ పడక

ప్రలోభాల..

ఒత్తిడికి తలొగ్గక

విజయ తీరం చేరాలనే తపన ,

నిలువెత్తు కాంక్షతో ముందుకు సాగగా..!

విశ్వాసం వారధిగా

నిజాయితీ వేదిక గా

సమస్యల ను అలవోకగా అధికగమించి

అంతా తానై

అన్నింటా ముందుండి

కలుపు గొలుపుతనం

కల్మష లేమితో

చెదరని చిరునవ్వుతో

యంత్రాంగాన్ని కదిలిస్తూ,

యంత్రంలా పని చేస్తూ

నిర్దెషిత లక్ష్యాలను

విజయవంతంగా పూర్తి చేస్తూ..!

అధికారుల ప్రశంసలు

సందర్శకుల ఆనందాలు,

ఆస్వాదిస్తూ..రాజసంతో..!!

విధి నిర్వహణ కె వన్నె తెచ్చి,

"ప్రశాంత"మైన అంతరంగం,

ఆర్ద్రత కలిగిన సున్నితమైన మనస్తత్వం,

ఔన్నత్యాన్ని అభిమానించే ఆత్మ సౌందర్యం,

ప్రోత్సాహకంగా నుండె కుటుంబ నేపథ్యం

స్పూర్తి నింపె సహచర్యం  కలబోసి,

ప్రజాహితానికి..

నిస్వార్థ మైన నిర్ణయాలు… !

నాణ్యమైన సేవలు..

పురపాలన ద్వారా అందించే మీకు..!

సదా సహకారం

సంపూర్ణంగా అందుతూ

విజయం ముంగిట నిలవాలని

ఆశిస్తు..!ఆకాంక్షిస్తూ..!!

,

-T.BHASKER

Gaz Hm

Zphs Yeddumaiaram

,M;kandi

   9441823903

కాంక్ష

🌞🌻🦚🌈🌦️🌲   

     కాంక్ష

కాలగమనం కదలిక లో

ఒక సంవత్సరపు  మైలు రాయి కదిలిపోయింది  

కరోనా కరాళా నృత్యంతో     

ఒక వార్షికం కన్నీటి ధారగా  మిగిలి పోయింది .

మండుటెండలో మొదలై,

మంచు కురిసేదాకా మహమ్మారిలా కొనసాగుతూ...,

చరిత్ర గతినే మార్చేస్తూ భీభత్సాన్ని సృష్టించింది

ప్రపంచాన్ని పరిహాసిస్తూ భయోత్పాదాన్ని  నెలకొల్పింది.

కాలగమనానికి సంకెళ్లు  వేసి

 సకల  సంపదలు  నిర్వీర్యం చేసి, మానవీయ సంబంధాలు మరుగున పరచి,

చరిత్ర మరువని

చెరగని ముద్రలతో,

రక్త చారికలను కాలం నుదుట తిలకంగా  దిద్ది,   మరువలేని విషాదాన్ని 

మనసు నిండా నింపేసి,

అంతులేని వింత జీవిగా విస్తరిస్తూనే వుంది.

నిస్తేజమైన జీవితాలు,

నింగికేగిసిన మహనీయులు,

 ఆర్డ్రత నిండిన నేత్రాలు,

బరువెక్కిన  హృదయాలు,

ముసిరిన

వేదన వలయాలు,

మానవాళి మనుగడను ప్రశ్నించిన ఇరువై ఇరువై,

నీకో కోటి వందనం.

 కరుణ లేని కరోనా

ఇక  మరుగున పడిపో,

ఇకనైనా కనికరించి వదిలిపో....! 

 ఆంక్షలు లేని  స్వేచ్ఛా  జీవనం  పునరుద్ధ రించడానికి,

చదువుల తల్లి వదనం లో  ఆనందం తొణికిసలా డడానికి,

ఆగమైన ఆర్థికస్థితిగతులు కుదురుకోవడానికి,

మళ్ళి సాధారణ జీవనం  గాడిన పడడానికి,  

  ఆవేదన తో

 అర్థిస్తున్నాం..!

ఆశగా ఎదురుచూస్తున్నాం..!

రాబోవు సంవత్సరం

నీ ఊసు లేకుండానే గడవాలని!

నీ  ఆలోచన రాకుండా  సాగాలని !!

🙏🙏🙏

"నూతన సంవత్సరం శుభాకంక్షాలు "💐💐

       -T. భాస్కర్

         G Hm

          Zphs     

        yeddumailaram.