కరోనా

.       కరోనా

మానవాళి మనుగడ ను ప్రశ్నిస్తున్న మహోత్పాతం,

ప్రపంచాన్ని భయం గుప్పెట్లో బంధిస్తు  

 విషం చిమ్ముతున్న ఉన్మాదం,

అగ్రరాజ్యాలకు అంతుచిక్కని మహమ్మారి మారణహోమం,

ఖండాంతరాల ను దాటి కర్కశంగా కాటేస్తున్న మారణాయుధం,

విశ్వాన్ని శాసించే సాంకేతికతను సాగర గర్భంలో కలిపేసి,

భూతల స్వర్గాన్ని సృష్టించే అధునాతనాన్నీ అధః పాతాళానికి తోక్కేసి,

కనికరించక..కనిపించని కోవిడ్ గా  

గొంతునులిమి శ్వాస నదిమి,

నిరంతర వైద్య సేవల్ని నిర్వీర్యం చేస్తు,

మానవ సంబంధాల్ని మాయం చేస్తూ, 

వేల ప్రాణాల్ని అలవోకగా హరించేస్తు,

మరణమృదంగం తో కరాళనృత్యం  చేస్తూ,

ఉదృతి గా నలుదిశలా విజృంభిస్తున్న కరోనా..!

కట్టడి చేస్తాం నిన్ను.. స్వియ నియంత్రణ ను స్వీకరించి, అంతమొందిస్తాం.. వ్యక్తిగత పరిశభ్రత ను ఆచరించి,

సాగనంపుతాం..

సామాజిక దూరాన్ని స్వాగతించి,

నిన్ను సమాధి చేస్తాం..

 అసేతు హిమాచలం సంఘటితమై!

-T భాస్కర్ Hm 

Zphs yeddumailaram